Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e, Teuta Haxhiu, ka deklaruar se AAK-ja do të mbikëqyrë nga afër zbatimin e ndryshimeve të fundit në Ligjin për Dhomat e Specializuara. Haxhiu ka thënë se Aleanca ka pasur qëndrim të qartë për këtë çështje që nga fillimi dhe se deputetët e saj do të vazhdojnë të jenë të pranishëm në Kuvend për ta ndjekur procesin institucional pas miratimit të ligjit. Përgjegjësia e AAK-së nuk përfundon me votimin e ndryshimeve, por vazhdon edhe gjatë zbatimit të tyre. Sipas Haxhiut, deputetët e Aleancës do të kërkojnë që ndryshimet e miratuara të zbatohen dhe do të përcjellin edhe hapat që do të ndërmerren nga institucionet e Kosovës. “Do të jemi jo vetëm gardianë, por mbi të gjitha kjo është detyra jonë”, tha Haxhiu, duke theksuar se AAK-ja synon të ketë rol aktiv në mbikëqyrjen e procesit. Ajo ka përmendur edhe strategjinë e paralajmëruar nga kryeministri Albin Kurti gjatë seancës parlamentare, duke thënë se Aleanca do të kërkojë të shohë konkretisht se cilët do të jenë hapat e ardhshëm pas miratimit të ligjit. Pikërisht për këtë arsye, Haxhiu ka paralajmëruar se AAK-ja do ta ndjekë procesin në vazhdimësi dhe do të kërkojë llogaridhënie institucionale për mënyrën se si do të zbatohet ligji i ri. Në këtë mënyrë, Aleanca synon që roli i saj të mos mbetet vetëm në votimin parlamentar, por të shtrihet edhe në fazën e zbatimit dhe mbikëqyrjes së vendimeve të marra nga Kuvendi.
