Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, ka pritur në një takim të përzemërt, kryesuesin e UNMIK-ut në Kosovë, Zahir Tanin, me të cilin ka biseduar për bashkëpunimin e institucioneve të Kosovës me zyrën e kësaj organizate administrative të OKB-së, e cila shtrin veprimin, sidomos në veri të vendit. Edhe pse zyrtarisht, madje edhe ministri i Jashtëm, Enver Hoxhaj është shprehur kundër pranisë së UNMIK-ut në vend, duke e akuzuar si mbetje të Rusisë, Thaçi u shpreh se Kosova është mirënjohëse për rolin që UNMIK-u luajtur në Kosovë pas luftës dhe kujtoi se edhe procesi i shpalljes së pavarësisë së Kosovës, sipas tij është nisur nga Kombet e Bashkuara, mbi Rezolutën 1244, si dhe është zhvilluar në kuadër të Kombeve të Bashkuara. Ai ka thënë se tani është koha për një kualitet tjetër të bashkëpunimit me UNMIK-un. Përfaqësuesi i kësaj organizate, Zahir Tanin, u shpreh i kënaqur lidhur me bashkëpunimin me autoritetet e larta të vendit duke kërkuar bashkëpunim më konstruktiv dhe në interes reciprok.
