Fillimi / Lajmet / Thaçi: U bënë njëzet dhe ende nuk dihet se ç’ndodhi me profesorin Ukshin Hoti pas lëshimit nga burgu i Dubravës
Thaçi: Do të ndërmarr të gjithë hapat kushtetues që qytetarët e Kosovës ta kenë sa më shpejtë qeverinë e tyre

Thaçi: U bënë njëzet dhe ende nuk dihet se ç’ndodhi me profesorin Ukshin Hoti pas lëshimit nga burgu i Dubravës

Kryetari i vendit, Hashim Thaçi, e ka kujtuar në 20-vjetorin e zhdukjes veprimtarin e çështjes kombëtare dhe intelektualin Ukshin Hoti. Thaçi përmes një statusi në rrjetin social ka thënë që Hoti ishte një njeri jokonformist i radhitur nga zëri dhe ideali i popullit që i përkiste. “U bënë njëzet vjet dhe ende nuk është i qartë fati jetësor i profesorit Ukshin Hoti, njërit prej intelektualëve më atdhetarë të Kosovës. Ukshin Hoti ishte njeri jokonformist, i radhitur nga zëri dhe ideali i popullit që i përkiste. Në vitin 1981, si rrallëkush nga elita intelektuale, në mënyrë shkencore arsyetoi dhe mbrojti kërkesën për Republikën e Kosovës. Ukshin Hoti u dënua me burg nga gjyqet jugosllave. Shquhej për guxim intelektual, temperament autentik dhe i gatshëm për të reaguar në çdo kohë për të drejtën dhe lirinë e Kosovës. Ishte nga intelektualët e pakët që në mënyrë programatike kërkoi bashkimin e Kosovës me Shqipërinë. Ai u riburgos në periudhën më të rëndë gjatë viteve 90-të të shekullit që shkoi dhe përjetoi persekutime të mëdha burgjeve të Serbisë dhe së fundmi në Kosovë. Fatkeqësisht ende nuk dihet se ç’ndodhi me profesorin Ukshin Hoti pas lëshimit nga burgu i Dubravës më 16 maj 1999”, ka shkruar ai.

Kontrolloni gjithashtu

KMDLNj

KMDLNJ kërkon të ndriçohet rasti i vdekjes tragjike të Agon Musliut, në Qendrën e Studentëve, në Prishtinë

Këshilli për Mbrojtjen e të Drejtave e të Lirive të Njeriut ka kërkuar që rasti ...