MIT
Airport Adem Jashari
mbpzhr 2018
kek
Fillimi / Lajmet / Tryeza përkujtimore, “Dritë për Ukshin Hotin”, mbahet më 16 maj 2019, në orën 16.00 në ambientet e Institutit Albanologjik, në Prishtinë
Tryeza përkujtimore, “Dritë për Ukshin Hotin”, mbahet më 16 maj 2019, në orën 16.00 në ambientet e Institutit Albanologjik, në Prishtinë

Tryeza përkujtimore, “Dritë për Ukshin Hotin”, mbahet më 16 maj 2019, në orën 16.00 në ambientet e Institutit Albanologjik, në Prishtinë

Organizuar nga Shoqatat e të Burgosurve Politikë, Shoqata e Familjeve të Dëshmorëve, Instituti Albanologjik dhe Shoqëria “Lëvizja”, nesër më 16 maj do të mbahet një Tryezë përkujtimore, kushtuar veprimtarit, filozofit dhe politikanit të Kosovës, profesor Ukshin Hoti, fati i të cilit prej 16 majit të vitit 1999 ende nuk është zbardhur. Tryeza përkujtimore, “Dritë për Ukshin Hotin” mbahet në orën 16.00 në ambientet e Institutit Albanologjik, në Prishtinë.

Më 16 maj të vitit 1999 në rrethana ende të pa ndriçuara  është zhdukur Ukshin Hoti

Veprimtari i mirënjohur i Lëvizjes Kombëtare, Ukshin Hoti u  lind më 17 Qershor të vitit 1943 në fshatin Krushë të Madhe të Rahovecit. Ishte profesor, shkrimtar, filozof, intelektual, atdhetar dhe veprimtar i shquar i çështjes kombëtare gjatë  viteve 1981-1999. Ukshin Hoti ka qenë edhe ligjërues ne disa universitete të Amerikës  ku dhe kishte studiuar dhe diplomuar. Për aktivitetin e tij atdhetar  ishte arrestuar disa herë nga regjimi serb i Titos dhe i Milosheviqit. Për herë të fundit ishte arrestuar në vitin 1994 nga policia serbe me akuzën e “ushtrimit të veprimtarisë armiqësore” kundra Jugosllavisë dhe për pjesëmarrjen e tij në Lëvizjen për Republikën e Kosovës, me ç’ rast ishte dënuar  5 vjet burg.  Më 16 Maj të vitit 1999 pas lirimit dhe pas daljes nga qelia e burgut të Dubravës, zhduket nga polica serbe, deri tani gjurmë. Shokët e burgut, ata që kanë shpëtuar nga masakra e Dubravës, disa ditë më vonë, kanë treguar se Ukshini ishte liruar nga burgu më 16 maj, ditën e diel, ditë që nuk praktikohej lirimi  i të burgosurve. Prej asaj kohe e deri tani, veprimtari i madh i çështjes kombëtare shqiptare, magjistri, filozofi, shkrimtari, publicisti, atdhetari i përkushtuar, Ukshin Hoti konsiderohet i zhdukur. ( TV-Dielli, Kalendari kombëtar)

Kontrolloni gjithashtu

Më 25 shtator 2019 do të nderohet dëshmori i kombit Ahmet Pantina në 21 vjetorin e rënies heroike të tij

Më 25 shtator 2019 do të nderohet dëshmori i kombit Ahmet Pantina në 21 vjetorin e rënies heroike të tij

Me rastin e 21 vjetorit të rënies heroike të dëshmorit të kombit Ahmet Alush Pantina, ...