Turqia në përgatitje të teksteve shkollore për lëndën e gjuhës shqipe

Turqia në përgatitje të teksteve shkollore për lëndën e gjuhës shqipe

Në Universitetin e Thrakisë, në Edrene të Turqisë ka filluar përgatitja e përmbajtjes së teksteve shkollore për lëndën e gjuhës shqipe dhe asaj boshnjake, të cilat nga viti i ardhshëm akademik do të futen si lëndë zgjedhore në shkollat e Turqisë, raporton Anadolu Agency. Profesorë të gjuhës shqipe dhe asaj boshnjake janë duke punuar intensivisht për përgatitjen e teksteve, pas miratimit të plan- programit të përgatitur. Rektori i Universitetit të Thrakisë, Erhan Tabakoğlu, thotë se janë krenarë që ata marrin pjesë në një detyrë të tillë. Ai është i mendimit se këto lëndë do të avancojnë bashkëpunimin. “Duke i mësuar, brezi i ri do t’i njohë më së miri trojet dhe gjuhët për të cilat ndiejmë dashuri. Kjo, nga ana tjetër, do të mundësojë ngritjen e marrëdhënieve tona në nivel më të lartë”, theksoi Tabakoğlu.

Kontrolloni gjithashtu

Adem Jashari

Edi Rama: Adem Jashari lindi në 28 nëntor, ra për të jetuar gjithmonë, si legjenda e gjallë e flamurit më të bukur në botë

Kryeministri i Shqipërisë, Edi Rama, në festën e 28 Nëntorit, Ditës së Flamurit, ka ndarë …