Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot është arritur marrëveshja për bashkëqeverisje në komunën e Prishtinë, ndërmjet Lidhjes Demokratike të Kosovës dhe Partisë Demokratike të Kosovës. Vetëvendosja, ka njoftuar se asamblistët e tyre marrin pjesë në seancën e Kuvendit Komunal në Prishtinë, ku pritet të zgjidhet Kryesuesi i këtij Kuvendi. Vetëvendosja në njoftimin për media thekson se, nuk do të jetë bllokuese e proceseve, prandaj ka qëndruar në sallë gjatë procesit të votimit. Ndërkohë bëhet e ditur se në radhën e tretë të votimit, Fehmi Kupina nga radhët e LDK-së është zgjedhur kryesues i Kuvendit Komunal të Prishtinës. Për të kanë votuar 25 asamblistë, nga 42 sa ishin të pranishëm në sallë. Përveç votave të LDK-së, pro Kupinës kanë votuar nëntë asamblistë të PDK-së dhe nga një i Nismës e Lëvizjes për Bashkim. Kupina edhe në dy raundet e para kishte marrë nga 25 vota.
