Ukë Rugova

Ukë Rugova kontrabandonte njerëz në emër të familjes Rugova

Veprimtaria e dyshuar kriminale e Ukë Rugovës, djalit të ish-kryetarit të ndjerë Ibrahim Rugova, i ka sjellë atij fitime rreth 2 milion euro. Ai kishte ndërtuar një rrjet funksional që kontrabandonte viza ilegale në këmbim të shumave deri në 4 mijë euro. Aplikacionet për viza shoqëroheshin edhe me një letër-rekomandim të titulluar ‘Familja e Presidentit Rugova’. 556 persona, sipas hetimeve, duket se janë bërë pjesë e rrjetit të Ukë Rugovës dhe grupit të tij, për tu pajisur me viza në ambasadën italiane në Prishtinë. Rugova akuzohet se ka përfituar mbi 2 milionë euro nga zhvillimi i kësaj veprimtarie kriminale. Përfitimet kriminale të grupit të dyshuar prej 20 personash të drejtuar nga Ukë Rugova, janë nxjerrë prej një hetimi 30 mujor që ka rezultuar me ngritjen e një aktakuze që ka 18 pika. Në shumicën prej tyre, Ukë Rugova figuron si lider i grupit kriminal që është marrë me kontrabandimin e njerëzve për në vendet e Zonës Schengen. Ndër pikat e akuzës, është edhe një për posedim të paautorizuar të armëve. Dy revole dhe mbi 400 fishekë i ishin gjetur në rezidencën e dikurshme të ish-kryetarit Rugova që dikur promovonte pacifizmin. Ukë Rugova akuzohet nga prokurori i EULEX-it, Allen Casnick, se prej muajit maj 2011, deri në muajin shkurt 2014, ka krijuar, organizuar, mbikëqyrur, menaxhuar dhe – ose drejtuar aktivitetet e një grupi të organizuar kriminal. Pjesë e këtij grupi akuzohet se është edhe ish-ministri, Astrit Haraqija. Në cilësinë e sekserit, ai akuzohet se ka siguruar të paktën 80 klientë.

Kontrolloni gjithashtu

Kryeministri, Edi Rama me Genc Cakajn e Qemal Minxhozin sot në Hagë, kanë vizituar ish kryetarin e Kosovës, Hashim Thaçi

Kryeministri Edi Rama, përshpejton krijimin e Komisionit Parlamentar të Posaçëm për Luftën kundër Dezinformimit

Kryeministri i Shqipërisë, Edi Rama ka theksuar nevojën për një përparim të shpejtë në krijimin …