Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryetar të Prishtinës, Uran Ismaili pas disa javësh që ka bujtë nëpër lagje e fshatëra të Prishtinës, tani ka dalë edhe me zotime konkrete për ta. Ai e ka nisur me lagjet Dardania dhe Lakrishte, ku para dhjetërave banorëve u ka treguar atyre se cila punë do ti kryej në këto lagje deri në vitin 2024. “Jam këtu për një takim jo krejt të zakonshëm. Ky nuk është një tubim si çdo tjetër. E ka një qëllim shumë të qartë edhe një zotim të prekshëm për të gjithë juve. Si qytetar i Prishtinës, çdo ditë të jetës e kaloj në Prishtinë. I njoh problemet dhe streset e përditshme të secilës lagje. Mirëpo, për t’i përjetuar me drejtpërdrejt ato, për disa javë rresht kam bujtë nëpër lagje të ndryshme të Prishtinës. E lagjet tona kanë probleme të shumta, përfshirë edhe Dardaninë e Lakrishten”, ka thënë Ismaili.
