Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vazhdon fushata e bastisjeve nga hetuesit e Prokurorisë së Gjykatës Speciale në Kosovë. Bëhet e ditur se bastisja ja fillua në shtëpinë e zyrtarit të Partisë Demokratike të Kosovës, eprorit të UÇK-së, gjatë luftës, Isni Kilaj në Malishevë. Lajmin e ka konfirmuar për mediet kryetari i OVL-UÇK-së në Malishevë, Metush Kryeziu. Ndërkohë ka reaguar edhe sekretari i OVL-UÇK-së, Faton Klinaku, i cili po ashtu ka treguar se ka marrë informacione lidhur me këtë bastisje, tashmë të përditshme. Të hënën u bastis shtëpia e ish-këshilltarëve të kryetarit Hashim Thaçi: Bashkim Smakaj dhe Blerim Shala. Të martën u bastis banesa dhe shtëpia e prindërve të Artan Behramit, po-ashtu ish-këshilltar. Ndërkaq dje u bastis shtëpia e ish-këshilltarit të Hashim Thaçit, Ismail Syla. Pritet që bastisjet në vazhdojnë pasi Prokuroria po shihet se nuk disponon të dhëna të mjaftueshme e bindëse për të prezantuar para trupit gjykues, në Hagë, përveç deklaratave të dëshmitarëve të mbrojtur.
