Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në javën e fundit Prokuroria e Gjykatës Speciale ka ftuar për hetime edhe disa nga krerët më të lartë të UÇK-s’ si komandantin e SHP të UÇK-së, Azem Syla, tre eprorë të lartë të Zonës së Llapit, një mjek kirurg të UÇK-së, një ish Rektor të Universitetit të Prishtinës dhe disa luftëtarë të tjerë, nën akuzë për krime lufte, apo në cilësinë e dëshmitarëve. Janë ftuar edhe Driton Lajçi, Gani Krasniqi, Nuredin Ibishi, Kadri Kastrati, Fatmir Sopi, Sejdi Veseli, Fadil Beka, Besim Bajrami, Jatullah Krasniqi, Shaban Syla e të tjerë. Kjo fushatë tashmë ka prekur pjesën më të madhe të sektorit komandues ushtarak por edhe politik të luftës së Ushtrisë Çlirimtare të Kosovës. Edhe për kundër kësaj, politikanët e nënshtruar vazhdojnë të propagandojnë se Gjykata, e cila është votuar në Kuvendin e Kosovës, nuk ka për qëllim diskreditimin e luftës së UÇK-së, por vetëm individë të caktuar, ndërsa në mesin e këtyre individëve janë pjesa dërrmuese e drejtuesve të luftës dhe e çlirimtarëve të Kosovës.
