Brickos

Veprimtari Hebib Shehu nderohet me Çmimin e Diasporës “ Mërgata e Kaçanikut 2017”

28/07/2017 Institucionet

Me një ceremoni solemne para shumë mysafirëve të nderuar, të premten në Pallatin e Kulturës “Xheladin Kurtaj” në Kaçanik, veprimtari kaçanikas Hebib Shehu, është nderuar me Çmimin e Diasporës “Mërgata e Kaçanikut 2017” . Kryetari i Komunës së Kaçanikut Besim Ilazi, ishte i pranishëm në këtë aktivitet, ndërsa vlerësoi dhe çmoi lartë veprimtarinë e palodhshme atdhetare të Agës Bib. Në këtë aktivitet ishte i pranishëm edhe ish Presidenti i Republikës së Kosovës Fatmir Sejdiu si dhe Profesori i nderuar Dr. Lul Raka. Sipas komunikatës së Shoqatës “Kaçaniku”, Çmimi i Diasporës “ Mërgata e Kaçanikut” do t’u jepet personaliteteve dhe organizatave, shoqërive e klubeve në sferën ekonomike, kulturore, rinore, sportive, etj. që janë dalluar në punën dhe kontributin e tyre në lëmi të ndryshme. Ky çmim do t’u ndahet atyre personaliteteve që gjatë gjithë jetës dhe karrierës së tyre nuk kanë pushuar së punuari dhe asnjëherë nuk janë lodhur në angazhimet e tyre për ngritjen dhe avancimin e çështjes kombëtare, të ngritjes dhe forcimit të arsimit, dijes dhe kulturës, të mirëqenies së qytetarëve dhe të mirave të përgjithshme! Për këtë vit, për herë të parë Çmimi “Mërgata e Kaçanikut 2017” iu nda zotit Hebib Shehu për kontributin e tij jetësor në çështjen e atdheut.

Kontrolloni gjithashtu

Komuna e Deçanit ju bënë thirrje të gjithë qytetarëve të sajë që ta shfrytëzojnë kohen e mbetur për regjistrim

Komuna e Deçanit ju bënë thirrje të gjithë qytetarëve të sajë që ta shfrytëzojnë kohen …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara