Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të qëndrimit në Britani të Madhe, kryekuvendari Kadri Veseli sot është takuar me anëtarë të Komisionit për Politikë të Jashtme të Parlamentit britanik. Në bisedën e zhvilluar me anëtarët e këtij Komisioni, Mike Gapes dhe Stephen Gethins, ai foli për zhvillimet aktuale në vendin tonë, arritjet e Kosovës në procesin e fuqizimit të pozitës së saj në arenën ndërkombëtare, angazhimet për anëtarësimin e saj në Kombet e Bashkuara, aderimin në institucionet dhe organizatat ndërkombëtare, si dhe për perspektivën euro-atlantike të vendit tonë. Kryekuvendari Veseli falenderoi ligjvënësit britanik për mbështetjen që Britania po jep për Kosovën, duke theksuar nevojën që kjo përkrahje të vazhdojë edhe më tej. Në takim, u bisedua gjithashtu edhe për mundësitë e rritjes së bashkëpunimit midis dy Kuvendeve dhe komisioneve homologe.
