Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qysh më 22 shkurt të vitit 1998, në Qendrën Amerikane, në Prishtinë, Simboli i Rezistencës Kombëtare, Adem Demaçi, në postin e kryetarit të Partisë Parlamentare të Kosovës, pati një përballje me të dërguarin special të Shteteve të Bashkuara të Amerikës për hapësirën e ish-Jugosllavisë, z. Robert Gelbard, i cili i kërkoi Adem Demaçi që edhe ai ta përkrahë qëndrimin se UÇK ishte organizatë terroriste, sikur e përkrahte edhe politika pacifiste e kohës. Kjo kërkesë hasi në kundërshtimin e vendosur të tij. Ambasadori, Gelbard tri herë me zë të ngritur i tha Demaçit: “UÇK-ja është organizatë terroriste”, kurse Demaçi tri herë ia ktheu pa i lëvizur qerpiku së UÇK-ja ishte organizatë çlirimtare. Ai ishte i vetmi nga autoritetet në Kosovë, i cili ia zbrazi në fytyrë Gelbardit. Demaçi kishte lidhje ilegale me UÇK-së por edhe me Komandantin, Adem Jashari dhe ishte në dijeni të të gjitha zhvillimeve të kohës. Pikërisht për këtë qëndrim në përkrahje të UÇK-së, më 12 gusht të vitit 1998, me ftesën e udhëheqjes së Shtabit të Përgjithshëm, në Tiranë u arrit marrëveshja që Adem Demaçi të merrte përsipër udhëheqjen politike të UÇK-së dhe t’ i jepej mundësia për krijimin e institucioneve të Kosovës. (RKL)
