Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për marrëveshjen e arritur në margjinat e Asamblesë së Përgjithshme të Organizatës së Kombeve të Bashkuara në mes të ministrave të jashtëm të Rusisë e Serbisë për konsultimin mes të ministrive përkatëse të këtyre shteteve për periudhën 2023-2024, raportuesja për Kosovën në Parlamentin Evropian, Viola Von Cramon ka theksuar se kjo është marrëveshje skandaloze. “Ky është një skandal i rëndë. Në mes të luftës së furishme, Ministria e Jashtme e Serbisë nënshkruan planin për bashkëpunimin e ardhshëm me agresorin Rusinë. Ndoshta ky është thjesht një sinjal për ne që të ngrijmë bisedimet e anëtarësimit në Bashkimin Evropian pasi hyrja në BE nuk kalon përmes Moskës” kas shkruar raportuesja për Kosovën në Parlamentin Evropian, Viola Von Cramon. Ndërkohë, ka reaguar edhe analisti i shquar nga Shtetet e Bashkuara të Amerikës, Janusz Bugajski. Ai ka shkruar se tani është koha për të sanksionuar Serbinë. “Koha për të sanksionuar Serbinë. Beogradi mbështet kriminelët e luftës në Kremlin. Pse duhet të përfitojë nga çdo fond apo investim i taksapaguesve të BE-së” ka shkruar analisti amerikan, Janusz Bugajski.
