Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i mbrojtjes në Serbi, Aleksandar Vulin duke komentuar deklaratat e kryetarit Hashim Thaçi për krijimin e Ushtrisë, ai ka thënë se rezoluta 1244 e parandalon këtë gjë. Ai ka deklaruar se shteti i Serbisë asnjëherë nuk do ta lejojë krijimin e një ushtrie në Kosovë, dhe kjo pamundësohet edhe më shumë me Listën Serbe në qeveri.
“Me ministrat e Listës Serbe në qeverinë e Prishtinës vështirë se do të jetë e mundur formimi i Ushtrisë, ose më mirë thënë e pamundur. Edhe kur nënshkruam marrëveshjen e Bruseklit, morrëm garanci nga sekretari i NATO-s që asnjë forcë e armatosur nuk do të jetë në gjendje të kalojë te lumi Ibër, pa pëlqëimin e kryetarëve të komunave serbe”, tha Vulin, transmeton lajmi.net. “KFOR është e vetmja forcë e armatosur në Kosovë dhe asnjë fuqi tjetër nuk do të ekzistojë deri në shfuqizimin e rezolutës 1244”, shtoi ai.
Ndërkohë kryetari i Kosovës, Hashim Thaçi dje në një intervistë garantoi se Ushtria e Kosovës do të themelohet deri në fund të vitit.
