Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-Komandanti i NATO-s gjatë bombardimeve në Kosovë, Wesley Clark, ka theksuar rëndësinë e zhvillimit ekonomik dhe investimeve të huaja për forcimin e sigurisë në Kosovë. Gjatë një diskutimi të organizuar nga Oda Ekonomike Amerikane, Clark ka deklaruar se mënyra më e mirë për të rritur sigurinë e vendit është përmes avancimit të ekonomisë dhe tërheqjes së investimeve, sidomos nga Shtetet e Bashkuara të Amerikës. “Bota po e shikon Kosovën dhe mënyra më e mirë për të forcuar sigurinë e saj është përmes zhvillimit ekonomik dhe investimeve, veçanërisht nga Shtetet e Bashkuara”, tha Clark. Ai shtoi se sektori privat ka një rol kyç në stimulimin e rritjes ekonomike, sidomos në fushat e teknologjisë së informacionit dhe shërbimeve. Clark theksoi se talenti dhe aftësitë gjuhësore të Kosovës mund të shfrytëzohen maksimalisht në këto sektorë, duke kontribuar në zhvillimin e mëtejshëm të vendit.
