WOW platformë e suksesshme e punësimit të grave në TIK

01/11/2016 Institucionet

Drejtues të Ministrisë së Zhvillimit Ekonomik dhe Bankës Botërore kanë marrë pjesë në ndarjen e certifikatave për 99 pjesëmarrëse, të cilat kanë përfunduar me sukses trajnimin në kuadër të Pilot Projektit WOW (Gratë në Punë Online).

Të pranishëm në këtë ceremoni ishin Ministri i Zhvillimit Ekonomik, Blerand Stavileci, Zv.Ministrja Besa Zogaj-Gashi, përfaqësuesi i Bankës Botërore, Lundim Aliu, zyrtarë të Departamentit të Postë-Telekomunikacionit dhe Teknologjisë Informative e Komunikuese të MZHE-së dhe kompanisë Coderstrust.

Ministri Blerand Stavileci me këtë rast vlerësoi lartë Pilot Projektin ËOË duke theksuar se kjo është një ndër iniciativat më të qëlluara në këtë sektor, që ka për qëllim punësimin e grave në TIK, e që njëherit shkon në linjë me synimin që këtë fushë ta vënë në prioritet.

“Duke parë se si po zhvillohen shtetet dhe shoqëritë e tjera, kemi menduar që përveç gjërave të mëdha, t’i bëjmë edhe disa projekte që mund të shpien në komuna të ndryshme të vendit tonë, në mënyrë që ato të jenë drejtpërdrejtë përfitues. Në rastin konkret ju që keni përcjell këtë projekt, zbatimi i të cilit ka mundësuar që një pjesë e madhe të përfitoni përvojë dhe do të keni mundësi të punësoheni”, tha Stavileci.

Ai falënderoi Bankën Botërore për mbështetjen që ka dhënë në këtë projekt që do të vazhdojë edhe në të ardhmen në kuadër të projekteve të përbashkëta për sektorin e TIK-ut.

Zv.Ministrja Besa-Zogaj Gashi vuri në dukje se të dhënat nga projekti janë shumë inkurajuese dhe që na japin fuqi që një projekt i tillë të përkrahet në të gjitha Komunat e Kosovës.

“Ky projekt tregon që vajzat tona mund të jenë model. Nga 100 përfituese sa kanë qenë  tashmë 57 prej tyre kanë gjetur punë online, të cilat kanë kontraktuar punë në shtetet e ndryshme. Ka rast që kanë arritur të kontraktojnë deri në tetë  kontrata pune online”, tha ajo.

Ndërsa, përfaqësuesi i Bankës Botërore, Lundrim Ali, duke potencuar mbështetjen e këtij institucioni, ka përgëzuar MHZE-në për përpjekjet e vazhdueshme për të rritur nivelin e punësimit, marrë parasysh nivelin e lartë të papunësisë në vend, duke vlerësuar se përpjekja për të rritur punësimin e grave në Kosovë është shumë e rëndësishme.

Ndryshe, nga 99 pjesëmarrëset e para të certifikuara në kuadër të Pilot Projektit WOW, 51 vajza janë nga Komuna e Lipjanit dhe 48 nga Komuna e Gjakovës. Ky projekt përveç Prishtinës do të shtrihet shpejt edhe në komuna tjera.

Kontrolloni gjithashtu

Kryetari Aliu i bënë thirrje qytetarëve t’i përgjigjeni pozitivisht procesit të regjistrimit të popullisë

Kryetari i komunës së Ferizajt Agim Aliu lut qytetarët t’i përgjigjeni pozitivisht procesit të regjistrimit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara