Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-diplomati, Ylber Hysa ka komentuar pritjet për rezultatin e takimit të radhës në dialogun, që mbahet sot, në Bruksel. Ai u shpreh skeptik për ndonjë zhvillim substancial, duke argumentuar se të dy liderët, kryeministri Albin Kurti dhe presidenti serb Aleksandar Vuçiç, duket se janë të pajtuar me status quon deri në ndryshimin e rrethanave, posaçërisht për shkak të pritjes së zgjedhjeve në Amerikë. Ai theksoi se Vuçiç po përfiton nga situata aktuale dhe ka fituar një epërsi falë edhe politikës kosovare. Hysa gjithashtu kritikoi politikat kosovare, duke i cilësuar ato si një “autogol” që ka çuar në një pozicion të dobët të Kosovës në arenën ndërkombëtare. Ai paralajmëroi se vendet e BE-së që nuk e njohin Kosovën kanë përdorur ngecjen e dialogut si alibi për të mos ecur përpara me njohjen. Ylber Hysa theksoi se këto janë një rezultat i politikave të qeverisë kosovare dhe se reputacioni i keq dhe mungesa e kredibilitetit kanë çuar në kërkesa për masa garantuese para heqjes së sanksioneve.
