MIT KS
Fillimi / Institucionet / Zv. Kryetari Aliu: Lajm i mirë është shërimi i 17 qytetarëve vitias nga virusi COVID-19, megjithatë kujdes për vetën dhe të tjerët!

Zv. Kryetari Aliu: Lajm i mirë është shërimi i 17 qytetarëve vitias nga virusi COVID-19, megjithatë kujdes për vetën dhe të tjerët!

Në mbledhjen e rregullt të Komitetit Komunal për Mbrojtje dhe Shpëtim (KKMSH), zëvendëskryetari i Komunës së Vitisë, Hasan Aliu bëri me dije se lajm i mirë është që 17 qytetarë të kësaj komune janë shëruar nga virusi pandemik COVID-19. Megjithatë ai kërkoj nga qytetarët që të respektojnë masat e vendosura nga qeveria dhe Instituti Kombëtar i Shëndetësisë Publike të Kosovës (IKSHPK) pasi që sipas të dhënave zyrtare numri i të prekurave me këtë virus është në rritje. “ Ne ju jemi gëzuar njoftimit për shërimin e 17 qytetarëve tanë. Megjithatë ju lusim për kujdes dhe të i respektoni rekomandimet e institucioneve të vendit pasi që numri i të infektuarave është në rritje. Prandaj mbani distancën, vendosni maska dhe keni kujdes për vetën pasi që duke ruajtur vetën ju ruani edhe të gjithë të tjerët” u shpreh zv. kryetari Aliu. Gjithashtu ai thotë se ne duhet të jemi të përgatitur për të gjitha sfidat që mund të dalin shkaku i pandemisë. Ndërkaq përfaqësuesi i Policisë në këtë takim bëri me dije se ata po kujdesën për zbatimin e masave dhe se deri me tani janë shqiptuar 7 gjoba për kundërvajtje ndaj subjekteve afariste për mos respektimin e masave. Ndërkaq thirrje për kujdes të shtuar ka bërë edhe Hanife Jonuzi, Drejtoresh për Shëndetësi dhe Mirëqenie Sociale në Viti.

Kontrolloni gjithashtu

KOMUNA E JUNIKUT U VIZITUA NGA MINISTRI I BUJQËSISË BESIAN MUSTAFA

Ministri i Bujqësisë Besian Mustafa ka vizituar komunën e Junikut, ku nga afër pa dëmet ...