KEK
Fillimi / Kultura / Zymer Mehani:  Aziz Kelmendit 
Aziz Kelmendi

Zymer Mehani:  Aziz Kelmendit 

(Me rastin e përvjetorit të vrasjes, në të ashtuquajturën APJ, më 3 shator 1987)

O Kelmendas i Norës gjak 
Hyre në histori me lubinë duke u përflakë 
Po, ti prishe data, kufij e shumëçka… 
Në flamur u ngrite 
Lirinë e përligje. 

Me perandorët u përgjake 
Se pate guxim ta lartësosh zërin 
Ia theve kthetrat kuçedrës së paemër 
Që shqiptarin e urrente me zemër 

Ç’të shkruaj, vallë 
Ç’të shkruaj vërtet 
Kur ti, bir i shqipes 
Me zemër si det 
U tregove armiqve 
Perandorëve e mbretërve 
Se për komb e atdhe 
Derdhim gjak prej dejve 

Brez pas brezi-amanet prej etërve 
Kuçedrën e godite porsi rrufe 
S’e deshe të nënshtruar tëndin atdhe 
I ri ishe kur u betove 
Në liri të atdheut 
U dashurove…… 

Jo, nuk të frikuan kapitenë as gjeneralë 
As togerë, e soj djalli, admiralë 
Haptas u tregove se je shqiptar 
U hape dhe plagë, u hape dhe varr 
Si kujtim prej teje ta ruajë perandoria 
Kur trazohet trimi, s’bën punë as ushtria 

Shpërtheve si uragan 
Se ishe azgan 
Nderin shqiptarit ia ruajte 
Një Perandori e munde 
-Lavdi të qoftë, o trim 
Thotë Llap e Dukagjin…. 
Dhe Drenica e Jasharëve- 
NDERI i shqiptarëve!

Kontrolloni gjithashtu

Zymer Mehani

Zymer Mehani: Përpjekjet e shqiptarëve për unifikimin e alfabetit shqip

1. Motoja e rilindësve: “Pa shkrim të gjuhës shqipe s’do të ketë as Shqipëri” Lëvizja ...