Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kisha Ortodokse Serbe vazhdon të jetë aktive në pengimin e zhvillimit të Kosovës, në përpjekjen e saj për ta dëmtuar imazhin e shtetit të Kosovës, si në lobimin kundër interesave të vendit tonë. Një gjë të tillë e ka bërë edhe sot ku e ashtuquajtura Dioqezë Rashkë-Prizren e Kishës Ortodokse Serbe ka reaguar lidhur me fillimin e punimeve në ndërtimin e rrugës magjistrale që lidh Kosovën me Malin e Zi, nga Deçani deri në Plavë. Kjo Dioqezë i ka njoftuar përfaqësuesit e Bashkimit Evropian, OSBE dhe KFOR-it se Qeveria e Kosovës i ka filluar “jashtëligjshëm” punimet në rrugën magjistrale Deçan-Plavë dhe në zonën e mbrojtur rreth Manastirit të Deçanit. Në njoftimin e tyre, thuhet se ndërtimi i këtyre rrugëve në zonën e mbrojtur është e ndaluar rreptësisht me Ligjin për Zonat Speciale të Mbrojtura që e ka miratuar Kuvendi i Kosovës.
Sipas tyre, zonën e mbrojtur sot e kanë vizituar edhe përfaqësuesit e OSBE-së të ekipit monitorues dhe kanë evidentuar shkeljet që ekskavatorët po i sjellin ambientit që përveç se është zonë e mbrojtur është edhe hapësirë që i takon Parkut Kombëtare të Bjeshkëve të Nemuna. Ata tonë se për rrugën Deçan-Plavë disa herë është diskutuar në mbledhjet e Komisionit për mbrojtjen e zonës të cilin e përbëjnë përfaqësuesit e Zyrës së BE-së në Kosovë, Misioni i OSBE-së, ministrat kosovarë të Ambientit dhe të Kulturës, si dhe përfaqësuesi i Dioqezës. Më 24 prill të këtij viti, Ministria e Infrastrukturës në bashkëpunim më komunën e Deçanit kanë mbajtur ceremoninë e inaugurimit të fillimit të punimeve për ndërtimin e Rrugës Deçan – Plavë. Nga Ministria e Infrastrukturës dhe Komuna e Deçanit kanë thënë se ndërtimi i kësaj rrugë absolutisht nuk e prek zonën e mbrojtur të Manastirit të Deçanit.
