Lëvizja për Bashkim, e cila është pjesë e koalicionit qeverisës, ka përshëndetur aksionin e Policisë së Kosovës për lirimin e pronave të uzurpuara. Nëpërmjet një komunikate për medie, ky subjekt ka inkurajuar Prokurorinë dhe Policinë që të vazhdojnë aksionet në funksion të kthimit të pronës te pronarët legjitim. “Uzurpimi i pronave është një fenomen, i cili, përveç që ka dëmtuar personalisht individët, si pronarë legjitim të tyre, ka dëmtuar jashtëzakonisht shumë edhe ekonominë e vendit. Shumë prej këtyre pronave të uzurpuara kanë për pronarë investitorë nga diaspora, të cilëve, me këtë rast, u është pamundësuar investimi në to për vite me radhë. Një potencial i madh investues nga jashtë, që do të prodhonte shumë vende pune dhe do të sillte zhvillim shumë më të madh ekonomik, për vite të tëra ka mbetur peng i disa individëve uzurpatorë”, thuhet në njoftimin e Lëvizjes për Bashkim.
Kontrolloni gjithashtu
Shefi i Grupit Parlamentar të LDK-së, Arben Gashi, kritikon pengesat në funksionin mbikëqyrës të Kuvendit të Kosovës
Shefi i Grupit Parlamentar të LDK-së, Arben Gashi, ka akuzuar shumicën parlamentare për pamundësimin e …