Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
19 vite më parë, Serbia u detyrua t’i tërheq forcat e saj ushtarake e policore nga Kosova. Marrëveshja për dhënien fund të luftës u nënshkrua më 9 qershor të vitit 1999, në Kumanovë e njohur si Marrëveshja ushtarako-teknike e Kumanovës, me të cilën iu dha fund luftës në Kosovë. Kjo marrëveshje e detyroi Serbinë të largojë forcat e saj ushtarake dhe policore nga Kosova të cilat për dy vite radhazi kishin vrarë e masakruar mijëra shqiptarë, fëmijë, pleq e gra, kishin dhunuar mijëra femra, kishin dëbuar rreth një milion shqiptar dhe kishin djegur dhe shkatërruar qindra vendbanime e qindra mijëra ekonomi familjare anekënd Kosovës. Marrëveshja është arritur pas fushatës së bombardimeve të NATO-s mbi caqet serbe, e cila ka zgjatur për 78 ditë me radhë dhe luftës dyvjeçare të Ushtrisë Çlirimtare të Kosovës. Më 11 qershor 1999 në Prishtinë kanë hyrë forcat ushtarake të UÇK-së, të Zonës së Llapit ndërsa më 12 qershor kanë zbarkuar trupat e para të këmbësorisë së NATO-s, pas dëbimit të forcave ushtarake kriminale të Serbisë.
