21 vjet më parë, më 25 gusht të viti 1998 ka rënë trimërisht në Luzhnicë, komandanti, Ismet Jashari, "Kumanova"

21 vjet më parë, më 25 gusht të viti 1998 ka rënë trimërisht në Luzhnicë, komandanti, Ismet Jashari, “Kumanova”

Më 25 gusht të viti 1998  ka rënë trimërisht në Luzhnicë të Rrafshnaltës, komandanti, Ismet Jashari. Ai  lindi në fshatin Orizare të komunës së Kumanovës, në vitin 1967. Pas epopesë së Prekazit, më 5,6 dhe 7 mars të vitit 1998, Ismet Jashari bën përgatitjet e fundit për të hyrë në Kosovë. Më 11 mars të po atij viti, ai, bashkë me Fehmi Lladrovcin, Xhevë Lladrovcin, Mirush Dakën, Bekim Berishën, Agim Bajramin, Fatmir Limajn, Haxhi Shalën e të tjerë, futet në zonat ku po vepronte Ushtria Çlirimtare e Kosovës dhe arrin në Likoc të Drenicës. Në mars të vitit 1998, Ismet Jashari, së bashku me Fatmir Limajn, Haxhi Shalën, Sadik Shalën e të tjerë, formojnë njësitin ushtarak “Çeliku”, me bazë në Kleçkë. Në prill të vitit 1998, Ismet Jashari ndodhej me detyrë ushtarake në Dukagjin. Me atë rast ai plagoset në të dy këmbët.

Më 24 gusht 1998, forcat armike kishin shtuar rrezen e sulmit duke sulmuar me topa të kalibrave të mëdhenj dhe me raketa tokë-tokë. Në mbrëmje, luftëtarët e lirisë kishin depërtuar thellë në pozicionet armike, duke u shkaktuar dëme në njerëz dhe në teknikë lufte, mirëpo, luftëtarët, Gani Kastrati dhe Afrim Buçaj nuk kishin arritur të tërhiqeshin. Në mëngjesin e hershëm të 25 gushtit, Ismet Jashari kishte kundërsulmuar befasishëm, në përpjekje për t’i marrë trupat e ushtarëve të rënë. Pas disa orë luftimesh në një distancë të afërt, në  vendin e quajtur “Bajrak”,  në Luzhnicë, ai  bie në altarin e atdheut,  bashkë me  Nuhi Mazrekun dhe Habib Zogajn.

Kontrolloni gjithashtu

Blinken takon Macron në Paris për të diskutuar për mbështetjen ndaj Ukrainës

Sekretari amerikan i Shtetit, Antony Blinken, planifikon të diskutojë për mbështetjen ndaj Ukrainës gjatë takimeve …