Fillimi / Lajmet / 23 vjet nga rënia e Komandant Kumanovës dhe bashkëluftëtarëve të tij: Nuhi Mazreku, Afrim Buçaj, Habib Zogaj e Gani Kastrati
Ismet Jashari

23 vjet nga rënia e Komandant Kumanovës dhe bashkëluftëtarëve të tij: Nuhi Mazreku, Afrim Buçaj, Habib Zogaj e Gani Kastrati

Më 25 gusht të vitit 1998, në vendin e quajtur Bajrak, në fshatin Luzhnicë, të Rrafshnaltës së Drenicës, në luftime kundër forcave serbe, në përpjekje  për t’ i tërhequr trupat e dëshmorëve të rënë një ditë më parë,  ka rënë komandanti i Brigadës 121 i Zonës Operative të Pashtrikut, Ismet Jashari, i njohur si Komandant Kumanova. Po atë ditë në të njëjtin vend ka rënë duke luftuar kundër forcave serbe edhe luftëtari i UÇK-së, Habib Zogaj.

Më 25 gusht të viti 1998  ka rënë trimërisht në Bajrakun e  Luzhnicës komandanti, Ismet Jashari. Ai  lindi në fshatin Orizare të komunës së Kumanovës, në vitin 1967. Pas epopesë së Prekazit, më 5,6 dhe 7 mars të vitit 1998, Ismet Jashari bën përgatitjet e fundit për të hyrë në Kosovë.

Më 11 mars të po atij viti, ai, bashkë me Fehmi Lladrovcin, Xhevë Lladrovcin, Mirush Dakën, Bekim Berishën, Agim Bajramin, Fatmir Limajn, Haxhi Shalën e të tjerë, futet në zonat ku po vepronte Ushtria Çlirimtare e Kosovës dhe arrin në Likoc të Drenicës. Në mars të vitit 1998, Ismet Jashari, së bashku me Fatmir Limajn, Haxhi Shalën, Sadik Shalën e të tjerë, formojnë njësitin ushtarak “Çeliku”, me bazë në Kleçkë. Në prill të vitit 1998, Ismet Jashari ndodhej me detyrë ushtarake në Dukagjin. Me atë rast ai plagoset në të dy këmbët.

Më 24 gusht 1998, forcat armike kishin shtuar rrezen e sulmit duke sulmuar me topa të kalibrave të mëdhenj dhe me raketa tokë-tokë. Në mbrëmje, luftëtarët e lirisë kishin depërtuar thellë në pozicionet armike, duke u shkaktuar dëme në njerëz dhe në teknikë lufte, mirëpo, luftëtarët, Gani Kastrati dhe Afrim Buçaj nuk kishin arritur të tërhiqeshin. Në mëngjesin e hershëm të 25 gushtit, Ismet Jashari kishte kundërsulmuar befasishëm, në përpjekje për t’i marrë trupat e ushtarëve të rënë. Pas disa orë luftimesh në një distancë të afërt, në altarin e atdheut, në Luzhnicë, bie në altarin e atdheut bashkë me  Nuhi Mazrekun dhe Habib Zogajn. (Kalendari Kombëtar, RKL-TV-Dielli)

Kontrolloni gjithashtu

Një delegacioni i Ministrisë së Mbrojtjes së FSK-së mori pjesë në takimin vjetor me delegacionin e Forcave të Armatosura të Gjermanisë

Një delegacioni i Ministrisë së Mbrojtjes së FSK-së mori pjesë në takimin vjetor me delegacionin e Forcave të Armatosura të Gjermanisë

Një delegacioni i Ministrisë së Mbrojtjes dhe i FSK-së mori pjesë në takimin vjetor bilateral ...