Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, ish-zëvendëskryetare e Komisionit për Buxhet dhe Financa, Safete Hadergjonaj, në një intervistë për gazetën “Epoka e re”ka thënë se vonesa për krijimin e institucioneve të reja u dërgon mesazhe negative investitorëve, e dëmton kredibilitetin e vendit tek ndërkombëtarët, edhe ekonominë, e rritë edhe më shumë deficitin tregtar, rrezikon partneritetin me institucionet financiare ndërkombëtare, e dëmton zhvillimin e biznesit në Kosovë, si dhe thellon edhe më tutje shkallën e lartë të papunësisë.
“Gjendjen ekonomike jo të mirë dhe shkallën e lartë të papunësisë, mosfunksionimi i institucioneve e thellon edhe më tutje, sepse bllokadat japin efektet negative më së shumti në ekonomi. Ne kemi pasur një bllokadë institucionale tre vjet më parë dhe efektet e kësaj bllokade nuk janë evituar lehtë dhe janë bartur nga viti në vit. Në vitin 2014 vështirësitë në ndërtimin e institucioneve kanë sjellë deri te rënia e rritjes ekonomike, ulja e investimeve të huaja direkte, mosrealizim të investimeve kapitale etj. Askush nuk investon kapitalin e vet në një vend që nuk ka stabilitet politik. Secili investitor do që ta ketë të sigurt kapitalin e vet në atë vend ku investon. Bllokada institucionale e përsëritur tani pas tre vjetësh dërgon mesazhe negative te investitorët, dëmton kredibilitetin e vendit tonë tek ndërkombëtarët, dëmton edhe më tutje ekonominë, rritë edhe më shumë deficitin tregtar, rrezikon partneritetin me institucionet financiare ndërkombëtare, vështirëson investimet e huaja direkte, dëmton zhvillimin e biznesit në Kosovë, thellon edhe më tutje shkallën e lartë të papunësisë”, ka thënë Hadergjonaj.
