Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mistri i Punëve të Jashtme të Kosovës, Behxhet Pacolli, gjatë raportimit para Komisionit për Punë të Jashtme, Diasporë dhe Investime Strategjike ka deklaruar se kryeministri i Kosovës, Ramush Haradinaj në Samitin e Berlinit ka pasur presione të shumta për pezullimin e taksës. Ambasadori amerikan në Gjermani, me të cilin janë takuar krerët e Kosovës para Samitit, i ka kërkuar delegacionit ta pezullojë taksën për dy javë, por një kërkesë e tillë është refuzuar nga kryeministri Haradinaj. Kushdo që iu ka afruar atij ka kërkuar të pezullojë taksën. Pacolli ka konfirmuar se presion për largim të taksës kryeministri i Kosovës, Ramush Haradinaj, ka pasur edhe nga nikoqirët e Samitit të Berlinit, konkretisht nga kancelarja gjermane, Angela Merkel dhe presidenti francez, Emmanuel Macron. Pacolli tha se në Samitin e Berlinit presidenti Thaçi nuk i ka bërë presion kryeministrit Haradinaj për taksën, por vetëm në fjalimin e tij ka qenë kritik ndaj BE-së dhe ka konsideruar se taksa është legjitime dhe se duhet të mbetet në fuqi.
