Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj fillimisht i ka uruar protestuesve ditën e pavarësisëdhe ka lavdëruar pjesëmarrjen masive në protestë, ka kritikuar Qeverinë për demarkacionin, AKS-në, shkeljen e kushtetutës dhe lëshime të tjera. Haradinaj ka thënë se qytetarët me daljen e tyre masive në protestën e opozitës, kanë shkarkuar qeverinë Mustafa – Thaçi. “Kuorumi më legjitim. Sepse e kanë filluar kapjen e shtetit. E ka rritur korrupsionin, klientelizmin. Të korruptuarit i ka bërë të paprekshëm. Kjo qeveri e ka mbytur ekonominë e vendit. Ka ngritur papunësinë dhe ka rritur korrupsionin”, ka thënë Haradinaj. “Kjo qeveri nuk e ka mandatar ushtrinë në kohën kur janë rritur kërcënimet nga militantët islamikë. Kjo qeveri e ka sulmuar territorin e Kosovës me marrëveshjen me Demarkacionit. Kjo qeveri e ka sulmuar sovranitetin e vendit me marrëveshjen për Asociacionin. Kush e ka ndarë këtë qeveri, e keni ndarë ju. Andaj ju sot me vendimin tuaj e keni obliguar qeverinë që të zbatojë shkarkimin menjëherë”, ka theksuar ai.
