Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I pari i Vetëvendosje, Visar Ymeri, në fjalimin para protestuesve, sot në Prishtinë ka kërkuar dorëheqjen e Isa Mustafës dhe Hashim Thaçit, ndërsa ka shtuar se alternativa e duhur për qeverisjen e Kosovës janë subjektet opozitare. Ne i themi jo kësaj qeverie, ne jemi alternative për bashkim dhe liri, Ne jemi alternativa për barazim dhe demokraci. Shtetin nuk e bëjnë dhe nuk do të mund ta bëjnë hajnat dhe kriminelët. Kjo protestë e sotme është një manifestim qytetar, manifestim për drejtësi. Vullneti i qytetarëve ishte në shesh dhe vullneti i tyre vendosej aty. Prapë sot jemi në shesh, në sheshin e republikës. Sot këtu kemi dalë që ta bashkojmë Kosovën, Republikën e qytetarëve do ta bëjmë me institucione të qytetarëve, por së pari nga këto institucione duhet t’i heqim krerët e pozitës sepse Kosova e meriton sovranitetin”, ka thënë mes tjerash, kryetari i Vetëvendosjes, Visar Ymeri.
