Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Doli nga shtypi libri i radhës i autorës Naxhije Doçi, me titull: “JEH MOTESH”-(POEZI). Libri ka 129 faqe dhe është i ndarë në katër nënkapituj: 1. Dritë mbi stuhitë, 2. Plisbardhët e tokës sime perlë, 3.Etje vargu për vende e kënde, 4. Ndjenjësi me dehje muze”. Në librin “Jeh motesh” një numër poezish janë me motive atdhedashurie, kryesisht për disa ngjarje të rëndësishme historike-kombëtare, si edhe për disa figura të dalluara, që me veprën dhe jetën e tyre kanë zënë vend krenarie në histori. Pjesa tjetër e poezive janë me motive përshkruese për vende e kënde inspirimi për autoren,si edhe poezitë ndjenjësore për jetën nëpër kohë. Redaktor dhe recensues i librit “Jeh motesh” është Prof. Prend Buzhala. Vlerësimi me përkushtim i poetit dhe krijuesit fjalë-artë, Prend Buzhala i ka dhënë sqarim të thukët esencës kuptimore dhe përmbajtjesore të librit. Them lirisht se i ka shtuar edhe rrëzëllim arti librit. Mbi bazën e kësaj edhe falënderimi im për të ka nuancat e artit, rrjedh si gurrat e bardha – ka shkruar autorja e librit Naxhije Doçi.
