Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në ambientet e hotelit “Emerald”, në orën 18.00 u shënua 80-vjetori i lindjes së Simbolit të Rezistencës Kombëtare, Adem Demaçi. Organizimin e kësaj ngjarje me rëndësi për Lëvizjen e Rezistencës kombëtare e ka bërë Shoqata e të Burgosurve Politikë, e përkrahur edhe nga institucionet e vendit, nën përkujdesjen e Kuvendit të Kosovës. Kadri Veseli është larguar nga objekti i Kuvendit të Kosovës, ku po mbahej seanca e zgjedhjes së kryetarit të Kosovës, me qëllim për të marrë pjesë në shënimin me rastin e 80 vjetorit të lindjes së Adem Demaçit. Në këtë aktivitet për jetën dhe veprën e Demaçit kanë folur: kryetari i Kuvendit të Kosovës, Kadri Veseli, pastaj një fjalë rasti para të pranishmëve e mbajti edhe ish kryetari i Shqipërisë, Alfred Mojsiu. Në shënim të 80-vjetorit të lindjes së Adem Demaçi, foli edhe kryetari i Shoqatës së të Burgosurve Politikë Hydajet Hyseni. Në fund u dha një program artistik.
