Kryetari i AKR-së, Behgjet Pacolli ka thënë se integriteti territorial i Kosovës është i paprekshëm dhe se ndarja e Kosovës ekziston vetëm në ëndrrat e Kremlinit dhe Beogradit. Këtë reagim, Pacolli e ka bërë në Twitter, duke theksuar se ndarja e Kosovës nuk do të ndodhë kurrë. “Precedenti i vetëm i krijuar nga Rusia ndonjëherë, është agresioni në ish-regjionet e vendeve sovjetike. Ndarja e Kosovës ekziston vetëm në ëndrrat e Kremlinit dhe Beogradit. Kjo nuk do të ndodhë kurrë. Integriteti territorial i Kosovës është i paprekshëm. Do ta njihni këtë herët a vonë”, ka shkruar Pacolli në Twitter, njofton Telegrafi. Reagimi i Pacollit vjen pas deklaratave të ambasadorit rus në Beograd, Alexander Bocan-Harçenko, se ndarja e Kosovës nuk përbën precedent ndërkombëtar.
Kontrolloni gjithashtu
Ferid Agani: Kodi Civil po mbahet peng i një paragrafi, është agjendë politike pseudoliberale
Kryetari i Partisë së Drejtësisë, Ferid Agani, kritikon Kodit Civil, duke thënë se neni për …