Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i Institucionit të kryetarit të Shqipërisë, Ilir Meta, thotë se në rast se i rrezikohet posti, shqiptarët sipas tij u dashka të marrin armët, për ta mbrojtur atë. Njëjtë kishte deklaruar edhe Sali Berisha disa vjet më parë, kur hapur në Kuvendi i kishte bërë thirrje popullit të rrëmbejnë armët dhe të rrëzojë nga posti, Edi Ramën. Meqë ishte i sigurte se me votat demokratike nuk do ta rrëzonte kurrë. Meta thotë: “Presidenti është i detyruar t’i thotë popullit shqiptar se këtu ka përfunduar çdo gjë lidhur me shtetin e së drejtës, çdo mundësi demokratike. Këtu kanë ngelur tri rrugë: ose njerëzit të marrin armët për ndryshimin, ose të bëhen skllevër të një regjimi një partiak ose të ikin të gjithë nga Shqipëria. Të tria janë të papranueshme por, për mua ato dy të fundit janë tmerrësisht të papranueshme”, ka deklaruar Ilir Meta krejt i çartur nga frika e humbjes së postit, në të cilin e kishte vendosur Edi Rama pas zgjedhjeve dhe pazarit politik, që kishte lidhur me LSI-në, pavarësisht se zgjedhjet i kishte fituar Partia Socialiste duke marrë 74 deputetë.
