Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje dhe e nominuara për ministre të Drejtësisë, Albulena Haxhiu, ka folur për takimin Kurti-Thaçi i cili u mbajt dje për t’u konsultuar për mandatarin e qeverisë. Sipas saj, ai takim nuk ka qenë fare i nevojshëm, por se i janë përgjigjur ftesës në respekt të institucionit të kryetarit të shtetit. Haxhiu e ka quajtur skandal caktimin e afatit kohor prej 48 orësh nga Thaçi për dorëzim të emrit të mandatarit për krijim të qeverisë. Ajo thotë se me këtë i pari i shtetit shkeli Kushtetutën me të dyja këmbët, sepse sipas saj, nuk ekzistojnë afate të tilla. Deputetja e Vetëvendosjes thotë se kjo u bë me qëllim nga Thaçi, pasi i njëjti e di që marrëveshja me LDK-në nuk është arritur ende.
