Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Integrimeve Evropiane, Bekim Çollaku, n ë një tryezë të organizuar nga “Fondacioni i Kosovës për Shoqëri të hapur dhe European Policy Center”, ka deklaruar se kriza e Bashkimit Evropian në këto vitet e fundit nuk e favorizon aspak procesin e integrimit të Kosovës në BE. Ai, tha se izolimi dhe mbetja jashtë BE – së, do të kishte pasoja të paparashikueshme në aspektin politik dhe atë të sigurisë. Ai më në fund ka pranuar se në rastin e Kosovës, BE – ja po bie pre e politikave të 5 shteteve anëtare të BE –së që nuk e kanë njohur Kosovën. Megjithatë, ministri me filozofi pacifiste e durimtare konstaton se në Kosovë fatmirësisht ende po mbajmë gjallë dhe po mundohemi të i japim shpirt procesit të integrimit evropian, duke mos përjashtuar edhe lobimin në shtetet anëtare, pasi që e dimë shumë mirë që ka një lobim të fuqishëm tek shtetet anëtare, është e pamundur që ky proces të shtyhet përpara mirëpo thash rasti i Kosovës është rast specifik dhe fatkeqësisht specifik në aspektin negativ sepse Bashkimi Evropian përkundër faktit që 23 shtete anëtare që e kanë njohur vendin tonë, përsëri politikën e vetë nuk ka arritur ta adaptojë në përputhje me politikën e këtyre 23 shteteve dhe shpeshherë bëhet pre e politikave të 5 shteteve anëtare që nuk e kanë njohur Kosovën dhe kjo normalisht që e ngadalëson procesin dhe e vështirëson në një mënyrë shumë të madhe se që ka ndodhur në rastet tjera deri më tani”, tha Çollaku.
