Elife LUZHA: PRAPASKENAT

30/01/2020 Kultura

Tema të tjera...

Gjithçka rrjedh nga padukshmëri e dukshme

Trillime errtane tejbartin pakuptimësi

Hulli të përhumbura arenave shtillen

Duke kurdisur komplote tinëzare

Shenjëzuar kanë qenien time

TURBULLIRË

Fushave blerore

Mjegullturbullta shtrirë

Fijëza të zbehta drite

Mezi çajnë ajrin

Shikimi i hinktë tretet

Hapësirave të mugëta

Kudo erë myku e bloze

Klithje egërshane hedhurina

Kuisje qensh të pastrehë

Perandori llumi

Babëzi trishtim

Varur në fije peri rri

Si shëmtirë

(Nga përmbledhja poetike ”Mos ma vrisni lotin”, shtëpia botuese Faik Konica, Prishtinë 2017).

Hazir Mehmeti: BATAJNICË E ZEZË

Në fushën e zezë vrisnin qiellin Ra zi e tmerr, verboi dhe diellin Korbat e zi të shkau barbar Krrokatin mbi Batajnicë mbi një varr Gjiri në buzët e foshnjës ngrirë Nëna më tutje pa kokë e shtrirë Ku të kam Shqipja ime s’po mund të flas Gjiri më derdhët, ah, zemra më plasë Eh, pika gjaku porosi ju lë sot Agimin ta varrosni pa vaje e pa lot …