Ministrja Rexhepi, u njoftua me situatën në Malishevë

16/03/2020 Institucionet

Ministrja e Ministrisë së Administrimit të Pushtetit Lokal (MAPL), Emilja Rexhepi dhe zëvendësi i saj Reshat Nurboja, kanë vizituar Komunën e Malishevës, ku janë pritur nga Kryetari i Komunës së Malishevës, Ragip Begaj dhe nënkryetari Hajdin Berisha. Qëllimi i kësaj vizite ishte, njoftimi me situatën e përgjithshme në Malishevë, pas paraqitjes së rasteve të të prekurve me COVID-19. “Ne jemi këtu, në emër të Komisionit të Posaçëm për parandalimin e COVID-19, me qëllim të solidarizimit me qytetarët dhe pushtetin lokal të Malishevës, dhe për tu njoftuar me situatën e përgjithshme, menaxhimin e situatës dhe për tu njoftuar me nevojat që ka Malisheva”, tha ministrja Rexhepi, e cila gjithashtu shprehi edhe gatishmërinë e Qeverisë dhe Ministrisë, për ta përkrahur Malishevën për nevojat emergjente që ka në këtë moment, për përballimin e situatës së krijuar, pasi tashmë Komuna e Malishevës është në karantinë. Kryetari Begaj, pasi e falënderoi për vizitën dhe interesimin, e ka njoftuar ministren Rexhepi, me situatën e përgjithshme në Malishevë, gjatë këtyre ditëve. “Kemi katër raste të konfirmuara me COVID-19, por jemi duke e menaxhuar mirë situatën, pasi në përpikëri po zbatojmë të gjitha udhëzimet që na janë dhënë, si dhe të gjitha vendimet e qeverisë. Ne i kemi marrë të gjitha veprimet për menaxhimin e situatës, brenda mundësive që kemi si komunë dhe pavarësisht situatës, ne do të angazhohemi maksimalisht dhe jemi 24 orë në shërbim të qytetarëve”, tha Begaj. Ai po ashtu e njoftoi edhe me mungesën e mjekëve, pasi tre mjekë janë detyruar të vetizolohen, por edhe me mungesën e medikamenteve dhe në disa raste edhe të miellit, për familje të caktuara. Edhe nënkryetari Berisha, e ka njoftuar me të gjitha veprimet e komunës, duke filluar nga ngritja e nivelit të gatishmërisë, pastaj zbatimin e masave tjera, sipas vendimeve qeveritare për parandalimin e COVID-19. Nevojë imediate për ne është furnizimi me medikamente dhe mjete mbrojtëse për punëtorët shëndetësor. Berisha, tha gjithashtu se situata po menaxhohet shumë mirë, pasi për këtë po kontribuon vetëdija e lartë e qytetarëve dhe qetësia që po tregojnë. Ministrja Rexhepi, tha se “do të jetë 24 orë në shërbim për ofrimin e mbështetjes komunat, për çdo lloj emergjence që paraqitet”.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara