Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kërkesa e kryetarit të Kosovës, Hashim Thaçi, një ditë më parë, drejtuar liderit të Lëvizjes Vetëvendosje, Albin Kurti, që të propozojë kandidatin e ri për kryeministër të vendit, mori një përgjigje shpërfillëse se kjo do të ndodh “në një moment të përshtatshme, në këtë kohë të koronavirusit”. Edhe kjo shpërfillje mund të përfundojë edhe një herë në Gjykatën Kushtetuese, mbase edhe me një aktgjykim të ri, deri në formimin e Qeverisë së re të Kosovës, vlerësojnë njohës të çështjeve ligjore dhe politike në Prishtinë. Deri më tash, ende nuk dihet nëse Vetëvendosje do të propozojë kandidatin e ri. Radio Evropa e Lirë ka bërë përpjekje që të marrë një deklaratë nga zyrtarë të Vetëvendosje lidhur me këtë çështje, por ata nuk janë përgjigjur. Pas letrës së Thaçit, kryeministri në detyrë Albin Kurti ka thënë se partia e tij do t’i përgjigjet presidentit Thaçi në “një moment të përshtatshëm, në këtë kohë virusi”.
