Adem Lushaj

MSc. Adem Lushaj: Zotëri Janjiq! Hiq dorë nga veprimet e dëmshme për qytetarët e Deçanit

Sava Janjiq vazhdon me avazin e tij prej një politikani i fshehur nën petkun e klerikut. Ai, edhe mëtej vazhdon me gjuhën e tij urrejtëse ndaj qytetarëve të Deçanit, por edhe të liderëve politik. Janjiq, edhe pse është i vetëdijshëm për pengesat që ia bën komunës për të pasur një zhvillim të hovshëm, nuk ndalon së ankuari, që sipas tij, institucionet komunale dhe ato qendrore, nuk po zbatojnë vendimet e institucioneve të drejtësisë. Kjo ka ardhur pas kërkesës politike të bërë nga Ambasadorët e Shteteve të Bashkuara të Amerikës dhe Britanisë së madhe, si dhe të përfaqësues së BE-së, që kanë kërkuar të zbatohet Vendimi i Gjykatës Kushtetuese të vitit 2016, duke i njohur manastirin pronësinë mbi 23 hektarë prona publike. Këtë rast, igumeni Sava Janjiq, nuk e ka lënë anash as Kryetarin e Aleancës për Ardhmërinë e Kosovës, Ramush Haradinaj. Sipas Janjiqit, për mos zbatim të vendimeve të Gjykatave të Kosovës nga ana e institucionit komunal, po qëndron “klani i fortë i Ramush Haradinaj”. Pos kësaj, Sava Janjiq për mediat serbe paska thënë se manastirit të Deçanit po i konfiskohet prona, për ta ndërtuar autostradën që kalon nëpër zonën e mbrojtur e përskaj manastirit. “Qëllimi nuk është vetëm konfiskimi i pasurisë së manastirit, por edhe ndërtimi i një autostrade ngjitur me manastirin“, paska thënë Janjiq.

Por, Sava Janjiq duhet ta thotë të vërtetën si “njëri i Zotit”, e që më së paku e ka këtë rol. Sava e di mirë se vendimet që janë marrë me rastin e pronave të dy ndërmarrjeve publike APIKO dhe ILIRIA, janë vendime të ardhura nga presionet politike, e aspak nuk kanë të bëjnë me procese të mirëfillta gjyqësore. Këto vendime janë kundërshtuar vazhdimisht nga institucionet komunale dhe qytetarët e Deçanit. Mos zbatimi i këtyre vendimeve po bëhet nga institucioni komunal, nga kryetari i Komunës së Deçanit, e jo nga kryetari i AAK-së, Ramush Haradinaj. Edhe kësaj radhe, zbatimin e këtij vendimi e refuzon kryetari i Deçanit, Bashkim Ramosaj, e jo Haradinaj. Këto vendime, edhe më parë, i kanë kundërshtuar kryetarët e Deçanit, e jo Haradinaj. Sava Janjiq, më mirë të thotë se kryetari Bashkim Ramosaj, nuk është duke përfill Vendimin e Gjykatës për bartje të pronave në emër të manastirit. Mirëpo, Janjiq po tregon se ka sens prej një politikani, duke e futur në këtë lojë, edhe Ramush Haradinaj. Janjiq duhet të kupton se kryetar i Komunës është Ramosaj, e mos të bën lojëra politike duke përmend edhe Ramush Haradinaj, si person që po pengon zbatimin e Kushtetueses.

Ne, prapë i bëjmë thirrje klerikut Janjiq, që mos të pengon zhvillimin e Deçanit, ngase deçanasit e kanë ruajtur dhe do ta ruajnë monumentin kulturor-fetar, që është një nga resursit kryesor turistik i ynë. Manastiri i Deçanit është ruajtur dhe po ruhet nga banorët e këtushëm, e assesi nga forcat paqeruajtëse ndërkombëtare.

Zotëri Janjiq! Hiq dorë nga veprimet e dëmshme për qytetarët e Deçanit, dhe bëhu pjesë e zhvillimit ekonomik dhe të krijimit të raporteve të ndërsjella njerëzore!

Kontrolloni gjithashtu

Deklaratat e fundit të përfaqësuesve qeveritarë se “nuk mjafton një vit për ndryshimet kushtetuese” janë dëshmi e mungesës së vullnetit politik dhe e dështimit të kësaj qeverie për ta çuar vendin drejt integrimit europian dhe për të respektuar vetë Marrëveshjen e Ohrit. Prej ditës së parë të mandatit, përveç bllokimit të perspektivës evropiane, kjo qeveri dhe partnerët e saj kanë sulmuar themelet e barazisë dhe të Marrëveshjes së Ohrit: • kanë shfuqizuar balancuesin, duke cenuar përfaqësimin e drejtë të shqiptarëve dhe komuniteteve tjera; • kanë zhvlerësuar Marrëveshjen e Ohrit duke ia dorëzuar implementimin figurave me bindje antishqiptare dhe antiperëndimore, si Ivan Stoillkoviç; • kanë fshirë diasporën nga përfaqësimi politik dhe kanë zvogëluar shqiptarët në përllogaritjet zyrtare; • nuk respektojnë përdorimin zyrtar të gjuhës shqipe dhe kanë zhvlerësuar Inspektoratin e gjuhëve dhe Agjencinë e gjuhëve. Sot, përveç dështimit me ndryshimet kushtetuese, kjo qeveri hap fronte të reja kundër mekanizmave të barazisë si shumica e Badenterit, një nga shtyllat më të forta kushtetuese që garanton stabilitetin ndëretnik, barazinë reale në vend dhe mbron nga majorizimi. Çdo tentativë për ta relativizuar ose rishikuar Badenterin është tentativë për ta kthyer shtetin pas në përjashtim dhe diskriminim. Jemi dëshmitarë se gjithnjë e më shumë po zënë vend ide të rrezikshme, që përfaqësojnë ata që besojnë se shtetet multietnike nuk funksionojnë dhe se duhet ndërtuar shtete etnike. Kjo qasje manifestohet në dy drejtime: përmes goditjeve të Marrëveshjes së Ohrit, që rrënojnë barazinë e brendshme, dhe përmes bllokimit të rrugës europiane, që e izolon vendin dhe e kthen mbrapa. Bashkimi Demokratik për Integrim mbetet forca politike që ka mbrojtur dhe do të mbrojë Marrëveshjen e Ohrit, kursin euroatlantik të vendit dhe dinjitetin e qytetarëve. Shqiptarët nuk do të lejojnë kthimin e shtetit në padrejtësi dhe përjashtim. Tetori është afër dhe populli do të flasë fuqishëm. Ora e përgjegjësisë politike dhe juridike po afron. Marrëveshja e Ohrit nuk cenohet, barazia nuk negociohet.

BDI: Jo vetëm sistemi bankar, por edhe insulina i jepet në duar botës serbe

Pas Alta Bankës dhe hyrjes së kapitalit serb në telekomunikacion, sot zbulojmë një tjetër çështje …