Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi e ka nënshkruar dekretin për lirimin nga detyra të Vlora Çitakut, ambasadores së Kosovës në SHBA. Këtë dekret e ka nënshkruar më 2 tetor, pra para pesë ditëve. Paraprakisht, Çitaku më 24 shtator i ishte drejtuar Thaçit me një letër, nga ku i kishte kërkuar që ta lirojë nga detyra e ambasadores së Kosovës në SHBA, post që ajo mbajti për pesë vite me radhë. “Duke shprehur konsideratën më të lartë për ju dhe institucionet e Republikës së Kosovës, përmes kësaj letre, kërkoj të lirohem nga detyra e ambasadores së Republikës së Kosovës në Shtetet e Bashkuara të Amerikës”, thuhet në letrën të cilën e ka dërguar Çitaku në presidencë, e të cilën e ka siguruar lajmi.net. Në të njëjtën, Çitaku ka shprehur gatishmërinë e saj që të shërbejë deri në një periudhë të konsideruar kohore, për të mundësuar një tranzicion të detyrave sa më funksional.
