Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tajip Erdogan, tha se retorika anti-islame dhe anti-myslimane është aparati me të cilin politikanët perëndimorë mbulojnë dështimet e tyre dhe se qëllimi kryesor i iniciativave të tilla, të udhëhequra nga presidenti francez, Emmanuel Macron, është të merren me Islamin dhe myslimanët. Ai drejtoi një mesazh me video në një takim të ministrave, presidentëve, kryemyftive të vendeve anëtare të Organizatës së Bashkëpunimit Islamik dhe vendeve vëzhguese, të organizuar përmes internetit nga Drejtoria Turke e Çështjeve Fetare. Duke folur për vështirësitë me të cilat përballet bota Islame sot, Erdogan theksoi se myslimanët përballen me shumë probleme të komplikuara, nga terrorizmi te uria, nga injoranca te padrejtësia, te konfliktet e brendshme. “Unë besoj se, si myslimanë, ne duhet të dëgjojmë njëri-tjetrin më shumë dhe të shkëmbejmë ide më shpesh në këtë kohë të dhimbshme dhe plot tundime që po kalojmë”, tha ai, raporton Anatolia. Ai tha se thirrjet dëgjohen sot nga qytetet e lashta islamike që kanë ndriçuar njerëzimin për shekuj dhe mbahen mend për dijen, mençurinë dhe paqen e tyre.
