Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në fshatin Seçishtë të Hanit të Elezit, me një aktivitet rasti kanë filluar punimet për realizimin e projektit, “Aksione të përbashkëta për mbrojtje të mjedisit përmes përmirësimit të sistemit të kanalizimit dhe ujërave të zeza”. Me këtë rast kryetari i komunës, Rufki Suma tha se projekti financohet nga Bashkimi Evropian në kuadër të programit për bashkëpunim ndër-kufitar ndërmjet Republikës së Kosovës dhe Republikës së Maqedonisë së Veriut, konkretisht në mes të Komunës së Hanit të Elezit dhe komunës, Gazi Baba nga Shkupi. Komuna e Hanit të Elezit dhe komuna Gazi Baba nga Shkupi janë përfituese e fondit të Bashkimit Evropian nga Instrumenti i Ndihmës së Para- Anëtarësimit (IPA II) i cili është instrumenti kryesor financiar për të siguruar mbështetjen e BE-së për përfituesit në zbatimin e reformave me synim përafrimin me BE-në . Me këtë projekt do të realizohet ndërtimi i rrjetit të ujërave të zeza dhe kanalizimeve në fshatin Seçishtë të Komunës së Hanit të Elezit. Për të realizuar këtë projekt do të investohen 167.518,22 euro prej të cilave komuna e Hanit të Elezit do të bashkë financojë me 20% të vlerës., ka sqaruar kryetari, Ryfki Suma.
Projekti pritet të realizohet për 6 muaj, deri në mesin e vitit 2021.
