Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Alon Ben-Meir, njohës i politikave të Ballkanit Perëndimor, njëherit edhe profesor universitar në SHBA, ka thënë se njohja e sovranitetit të Kosovës nga ana e Izraelit përçon mesazh për rritjen e vendit në pesë vendet anëtare të BE-së, të cilat e kundërshtojnë atë. Ben-Meir, me anë të një postimi në rrjetin social ka thënë se zyrtarizimi i marrëdhënieve diplomatike mes dy vendeve është shumë i rëndësishëm. “Vendosja e marrëdhënieve të plota diplomatike midis Kosovës dhe Izraelit të hënën është shumë domethënëse, pasi Kosova do të jetë vendi i parë me shumicë myslimane që do ketë ambasadën e saj në Jeruzalem të Izraelit. Po kështu, njohja e pavarësisë së Kosovës nga Izraeli dërgon një mesazh të qartë për pesë vendet e BE-së që kundërshtojnë sovranitetin e saj se legjitimiteti i saj si një komb i pavarur vetëm po rritet. E ardhmja e Kosovës është në BE dhe pesë vendet në pritje duhet ta kuptojnë këtë më shpejt”, ka shkruar ai.
