Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në komunën e Hanit të Elezit sot është shënuar Epopeja e 5 6 e 7 marsit të vitit 1998, në Prekaz të Drenicës. Mbledhjen solemne e hapi kryesuesi, Qamush Brava, i cili kërkoi nga të pranishmit një minutë heshtje për të rënët. Ai e kujtoi Betejën e 5 6 e 7 marsit të vitit 1998, tre ditëve kur Jasharajt i rezistuan një ushtrie barbare.
Në fjalën e tij, kryetari i Komunës, Rufki Suma tha se sot kur po shënojmë Epopenë e UÇK-së ne kujtojmë sakrificën dhe heroizmin e familjes Jashari, që i dhanë një dimension tjetër lirisë së atdheut. Pas qëndresës heroike të Jasharëve nga të katër anët e botës bijtë e bijat me të mirë të erdhën dhe iu bashkuan luftës në Kosovë. Nga Prekazi flakët e luftës u shpërndanë në krejt vendin. Popullit shqiptar për një kohë të gjatë iu mohua e drejta për të jetuar i lirë, andaj edhe na u imponua lufta. Kryetari, Suma foli edhe për luftën e organizuar nga luftëtarët e kësaj ane në Brigadën 164, Gafurr Loku, të Zonës Operative të Neredimës. Ai ka saktësuar se një rol të rëndësishëm në luftën e UÇK-së kanë luajtur edhe ata vullnetarë të lirisë që kishin ardhur nga diaspora nga Shqipëria e Maqedonia dhe fitorja më në fund u kurorëzua me ndihmën e NATO-s, tha mes tjerash kryetari i Hanit të Elezit, luftëtari i lirisë dhe ish eprori i UÇK-së, Rufki Suma.
