Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot janë bërë 40 ditë nga koha kur ministri i Shëndetësisë, Arben Vitia, është dashur ta nënshkruajë kontratën për sigurimin e vaksinave, por ende nuk ka një lajm lidhur me këtë detyrim që duhet ta ketë kryer Qeveria për qytetarët. Afatin e fundit për vënien e nënshkrimit, nënshkrim ky që do të siguronte gjysmë milion vaksina për Kosovë, Vitia e kishte pasur më 15 prill. Që nga atëherë, dhe deri sot, ministri i Shëndetësisë, nuk ka dhënë asnjë detaj se kur pritet të sigurohen vaksinat nga kompania amerikane, ose edhe në cilën fazë të negociatave ndodhet. Vaksinat nuk dihet se kur do të vijnë, por dihet se për 40 ditët e fundit kanë vdekur 216 veta, si pasojë e infektimit. Më 16 prill Arben Vitia nuk e kishte nënshkruar kontratën duke rrezikuar me papërgjegjësi jetën e mijëra qytetarëve të vendit tonë.
