Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti ka përkujtuar gjenocidin e forcave serbe kundër popullatës bosnjake muslimane në Srebrenicë ku u vranë e masakruan rreth tetë mijë civil të paarmatosur. Duke përkutjuar këtë krim të tmerrshëm te realizuar nga forcat serbe të përkrahura nga Serbia, kryeministri, albin Kurti ka shkruar se “Është e pamendueshme se si, edhe në shekullin XXI, ka politikanë në rajonin tonë, që thonë se ata që kërkojnë ndëshkimin e fajtorëve për gjenocid qenkan kundër dialogut e kundër fqinjësisë së mirë. Përkundrazi, e vetmja fqinjësi e mirë zhvillohet duke dënuar krimet e vendosur drejtësi, dhe i vetmi dialog i mirë ndodh kur palët nuk tremben nga distancimi prej krimeve. I përjetshëm qoftë kujtimi i viktimave të gjenocidit në Srebrenicë, kurrë më mos pastë Ballkani, e as bota, pushtete e shtete me ambicie gjenocidale, ka shkruar mes tjerash, kryeministri, Albin Kurti. Gjenocidi serb kundër boshnjakëve mysliman është përkujtuar edhe nga personalitete tjera të vendit tonë dhe nga kryeministri i Shqipërisë, Edi Rama.
