Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një pjesë e 4 mijë refugjatëve afganë që do të vijnë në Shqipëri do të mbesin përgjithmonë këtu, ka thënë në një intervistë për të përditshmen franceze, Liberasion, kryeministri shqiptar, Edi Rama i cili ka përgënjeshtruar edhe deklaratën e presidentit Macron se Shqipëria paguhet për akomodimin e tyre. I pyetur nga korespondenti i kësaj gazete në Tiranë, për deklaratën e shefit francez të Shtetit, Rama është përgjigjur thatë: “Eshtë e pavërtetë”. Ai ka shpjeguar më pas se një pjesë e afganëve që kanë mbërritur kanë punuar në vendin e tyre për organizata jo qeveritare dhe kompani private dhe se janë ato që mbulojnë shpenzimet e tyre por pa i dhënë asnjë cent shtetit shqiptar. Edi Rama ka pohuar në intervistë se Amerika i kanë propozuar Tiranës zyrtare financim për ngritjen e kampeve të refugjatëve , por se kjo gjë nuk është pranuar nga qeveria Shqiptare, sepse kampet janë dehumanizuese dhe krijojnë probleme me popullsinë ka thënë kryeministri, Edi Rama.
