Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministrja e Serbisë, Ana Bërnabiq, ka kërcënuar me ndërhyrje ushtarake në Kosovë në rast të rrezikimit të jetës së serbëve. Këtë deklaratë, Bërnabiqi e bëri gjatë një paraqitjeje televizive në Radiotelevizionin e Vojvodinës. E pyetur që t’i komentojë zërat që thonë se Beogradi nuk po bën krejt çka është e mundur dhe se serbët nga Kosova gjithnjë e më pak po besojnë se shteti i Serbisë mund t’i mbrojë ata, kryeministrja serbe tha se konstatime të tilla nuk qëndrojnë. “Sikur Serbia të ishte më e dobët, sot do të kishim një Kosovë etnikisht të pastër. Serbia ka arritur të imponohet si një partner konstruktiv dhe i parashikueshëm, i cili vazhdimisht bën thirrje për paqe dhe stabilitet. Kështu që ju nuk mund të thoni që Beogradi është fajtor për diçka, por që Prishtina është burimi i paqëndrueshmërisë. Serbia është pakrahasimisht më e fortë ushtarakisht sesa ishte më parë dhe ajo do t i mbrojë serbët në Kosovë tha zonja Bërnabiq.
