Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale në Hagë ka bërë të ditur se Gjykatësi i procedurës paraprake ka caktuar seancën e radhës në rastin e pretenduar penal kundër krerëve të UÇK-së: Hashim Thaçi, Kadri Veseli, Jakup Krasniqi dhe Rexhep Selimi, të cilët po mbahen në paraburgim qysh nga 5 nëntori i vitit 2020 . Seanca parashihet të mbahet më 29 tetor sipas vendimit të gjykatësit Guiju. Bëhet e ditur po ashtu se palët do të kenë kohë që parashtresat e tyre me shkrim t’i dërgojnë më së largu deri më 27 tetor. Në këtë seancë të shtatën me radhë deri tani, thuhet se do të diskutohet lidhur me dorëzimin e dosjes paraprake dhe afatin e propozuar nga prokuroria, që është 17 dhjetori. Gjithashtu, do të diskutohet edhe për listën e dëshmitarëve që pritet të dorëzohet më 22 tetor, nëse për të ekzistojnë ankesa. Pikë tjetër e rendit të ditës së seancës është edhe informimi nga mbrojtja e të akuzuarve në lidhje me statusin e hetimeve kundër tyre.
