Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Deputeti i LDK-së, Driton Selmanaj, ka thënë se qasja e Lëvizjes Vetëvendosje ndaj ish emisarit të SHBA-ve për dialogun Kosovë-Serbi, Richard Grenell nuk do të kalojë pa pasoja. Sipas tij personaliteti i Grenell është denigruar e fyer më së shumti nga siç ka thënë ai, njerëz të Lëvizjes Vetëvendosje. Ajo çka është e rrezikshme për Kosovën është që ne kemi filluar ta thjeshtojmë rolin e zotit Grenell sa ishte emisar special i zotit Trump, e kemi personifikuar dhe jemi marrë vetëm me personin e tij, e kemi fyer duke e denigruar personalitetin e tij dhe këtë e ka bërë më së shumti Lëvizja Vetëvendosje. Mendoj që kemi bërë shumë gabim. Zoti Grenell ka qenë emisar special i Trump, për LDK-në këtu është parë. Qasja e Lëvizjes Vetëvendosje ndaj tij ka qenë shumë fyese që unë nuk besoj se do të kalojnë pa pasoja”, ka thënë deputeti Selmanaj.
